1º de Marzo
Ko che purahéipe hi'ãnte amombáy Paraguái porãme
Ha oiméva oikove ñande ru yma tojapysaka
Tombopu Diana tohendu oîva ko ñane retãme
Mba'épa ha'e añatói jave ko che mbaraka.
Péina che tapýi ambojeguapa cinta tricolorpe
Amomaiteívo 1º de Marzo ko'êju pytã
Che irû che rovái rombovy'ami pe Solano López
León intachable ohayhu va'ekue Paraguái retã.
Ohua'i vaekue mbohapy tetã ñane rundipávo
Lanza ipopekuéra, bayonetaita hatiãi rei
Oñepysanga Tujutîme oikévo batalla rekávo
Upépe ohecha mba'épa ovale raza guarani.
¡Viva el Paraguay! péina asapukái a Chaco ruguápe
Ajapo haguã López rapekuégui puraheirãmi
Apoi yvytúre oguahê haguã amo Cerro Corápe
Sepultura ári oîhápe hína ñande karai.
Ha cincuenta y seis años omboty este día iko'êvo
Del año setenta ku Cerro Corápe ñorairõhague
Upérõje López henda blanco ári hetã odefendévo
Ijespáda ipópe ibandéra guýpe al galope osê.
Ocumpli iley "Vencer y Morir" Tupi renondépe
Coronel ta'ýra ijykére osê Resquín avei
Kambáre okopi hetã rayhupápe tatatî apytépe
Ha Solano López kuimba'e añete hetã ohayhúva.
Rovy'a vaerã ndeichagua yvy ári oimérõ mokõi
Péina purahéi che py'a mbytépe ndéve añongatúva
1º de Marzo ko nde yvy ári este día heñói
Nopensái la ivida ome'êtaha nombyasýi voi.
Hi'ãnteva chéve cada oguahê 1º de Marzo
Che jurúgui osê ñe'ê iporãva iporavo pyre
Japaga haguã ñande debeha a los veteranos
Umi ñande ru ñande Tricolor defendehare.
Tujutî, Kurupa'yty,
Estero Bellaco, Ita Yvate,
Ytororõ, Cerro Corá,
Mariscal López upépe oime.
|
1º de Marzo
Ojalá con esta canción despierte a nuestro lindo Paraguay
y los que están vivos que escuchen nuestros antepasados (?)
Que suena la corneta para que lo oigan los que están en nuestro país
Que digo mientras toque mi guitarra.
He adorando mi rancho con la cinta tricolor
Saludando la roja aurora el 1º de Marzo
Mis amigos en mi frente, vamos a alegrar un poco a Solano López (?)
El León intachable que amaba la Patria paraguaya.
Acudieron tres naciones para destruirnos totalmente
Lanzas en las manos, con bayonetas puntiagudas
Tropezaron en Tujuti cuando salieron en busca de pelea
Entonces vieron cuánto vale la raza guaraní.
¡Viva el Paraguay! así grito al fondo del Chaco
Para hacer de la huella de López una canción
La suelto al viento para que llegue hasta Cerro Corá
donde están sobre las sepultaras nuestros héroes.
Y ha cumplido 56 años al amanecer este día
Desde la batalla de Cerro Corá en 1870
Entonces, para defender su patria, López en su blanco caballo
su espada en la mano, debajo de la bandera, salió al galope.
Cumplió su ley "Vencer y Morir" ante el Tupí
Al lado del hijo del Coronel salió también Resquín
Para segar los negros por amor a la patria en medio del humo
Solano López fue un hombre que amaba a su país verdaderamente.
Nos alegraremos si hay dos como tú sobre la tierra
He aquí un canto que guardo en mi alma para ti
1º de Marzo: quien en esta tu tierra nace en este día
No piensa que va a dar su vida, no le importa. (?)
Espero que cada 1º de Marzo
salgan de mi boca palabras lindas y escogidas
para que paguemos nuestro deber con los veteranos
nuestros padres que defendieron la Tricolor.
Tujutî, Kurupa'yty,
Estero Bellaco, Ita Yvate,
Ytororõ, Cerro Corá,
allí está el Mariscal López.
|
