Okarayguami akã sa'yju
Ku mitakuña áva apope sa'yju mimbíva
Iñakã jegua ndijavyiete mbokaja poty
Inimbo overáva ho'a ijati'˙re ojajaireíva
Ichupe heñõi che ñe'a ruguágui
Mborayhu hypy.
Ha'e umi hesa mbyja ko'êju ñande resapéva
Yvága hovy oje'o hague imba'e paje
Aropurahéine che mbarakapúpe
Mba'e iporãitéva
Hova pytangy ha'etevoíva
kuarahy resê.
Ojogua mokõi jasy pyahumi
Hováre oguejýva
Umi ityvyta po'i asyete karapa'imi;
Yvoty pytáva hope ojerávo ha he'embochýva
Upéva ijurúpe huguysyrýva
Ha ikambuchimi.
Kuña sa rovy pire morotî akã sa'yjúpe
Yvytu pepo toguerahami che ñe'ê poty
Tupãsy itykéra ojoguaiteíva
Ku che rembiayhúpe
Mokõive ojováí ndojuasai porãme
Ha ojuhupity.
| 
