Nde resa kuarahy'ãme
(A la sombra de tus ojos)

Sapy'ántepa ikatúne kuarahy pytû akúme
nde resa kuarahy'ãme aguahê apytu'umi,
ndijavyintéva ku chéve ysatî opupúva hína
amambái roky apytépe nde resakueramimi.

Pyharépa rehecháva ñasaindy pere perépe,
jasymi oike ha osêva araípe oñemo'ã,
ha ndave ku upeichaitéva rejere ha rejerévo
omimbi ha iñypytûva nde resa kuarahy'ã.

Ajuhu mba'e iporãva
che ñe'ã guive ahayhúva;
yvypórape omoîva jeguakáramo Tupã.
Ysyry rendaguemícha hovy'u ha ipyko'êva,
vevyimínte ahetûséva nde resa kuarahy'ã.

Reikuaáma arohorýva,
reikuaáma mamoitepa,
sapy'ánte amanoha ára ikatúne cheñoty.
Cherejantekena Mirna nde resa kuarahy'ãme
tosyry jepi che ári tapia nde resay.

Letra: Teodoro S Mongelós
Música: (por favor completar)

Esta página HTML fue elaborada por Wolf Lustig (lustig@mzdmza.zdv.uni-mainz.de)
con base a una contribución de Duilio S. Núñez P.
Última actualización: 16.05.96.

Bestellen
Librería
Servicio de traducciones