Panambi vera

Panambi che raperãme,
Resêva rejeroky,
Nde pepo kuarahy'ãme
Tamora'e
Añeñoty.

Reguejy haguã che pópe
Aikóva anga romuña,
Ha torýpe, torypápe
Che áripi
Rehasa.

Nde réra oikóva
Ku eira saitéicha
Che ahy'okuápe
Ha omboasukáva
Cheve amboy'úvo
Che resay.

Ku ñuatindy rupi,
Ñu, ka'aguýre,
Ne muñahápe,
Iku'ipáva
Anga che pópe
Huguy syry.

Panambi,
Ndeichagua Tupã rymba
Pipo oime iporãva.,
Rese yvytúndie
Che yvotytýre
Nde saraki

Reminibivérõ
Ko che resápe
Remimbipáva,
Tove mba'éna
Nde rapykuéri
Tañehundi.

Letra: Manuel Ortiz Guerrero
Música: José Asunción Flores

Esta página HTML fue elaborada por Wolf Lustig (lustig@mzdmza.zdv.uni-mainz.de)
basándose en una contribución de Duilio S. Núñez P. .
Última actualización: 16.03.96.

Bestellen
Librería
Servicio de traducciones