Perurima omano rire

Omano Perurima ha oho yvágape, orresivi chupe Maestro.

— Mba'eiko Peru — he'i — maerãiko reju ápe, ndéko infiérnope rehóta.

Oho Peru ha ojuhu tape yképe vaka ratî jepoka ha ogueraha Satanáme.

— Chembo'u Maestro — he'i chupe — ko vaka ratinguépe poikutupaitéta.

Satanáme ra'evete oikutu. Ohecha ambue añakuérape ha oñanimba hikuái.

Upémarõ omosê chupe Satana infiérnogui. Oho jey Peru Maestro rendápe.

— Maéstro, — he'i chupe — ndachepotái Satana, chembou jey.

— Chembotavy nde Peru, jaháta chendive. Oho jey añaretãme Maestro ndive. Peru ohupi ivaka ratî, Maestro atukupéguio ñemiháme ha ogueraha péicha infierno peve. Maestro oguahê púntape ha Peru katu ohupi ivaka ratî. Maestro atukupéguio ohechauka añakuérape. Ohechávo oñani ha'ekuéra.

— Rehecha, Maestro, he'i Peru, ndachepotái hikuái. Upéicha Maestro ogueraha chupe por castigo oipapauka yvyku'i ra'yi yguasu rembe'ýpe.

Ha upépe opa.

Diese Seite wurde erstellt von Wolf Lustig (lustig@mzdmza.zdv.uni-mainz.de). Letzte Aktualisierung am 06.03.96.

Bestellen
Librería
Servicio de traducciones