Nde ratypykua
Epukavymína mitãkuña che mborayhu jára
Tahecha jey nde juru mboypýri nde ratypykua
Nde rovayképe ikuãme oikutuva'ekue Ñandejára
Ha ipyko'êmíva opyta opupu mborayhu ykua.
Ka'arupytû jasy tomimbi nde rova mbytére
Ha tory rupápe toñañuã ñane mborayhu
Tuka'ê ra'ãvo oñondivemi tojeity ojoapére
Tojahuhikuái nde ratypykuápe upe ka'aru.
Epukavymína mitãkuña che py'a ra'ãva
Hoy'umisete ku ipepo paráva pe ñahatî
Nde ratypykuapeguare ymínte oipy'ajukáva
Ha ipepo akãmínte omyakÿsete mokõi panambi.
Nde rovayképe ikuãme oikutuva'ekue Ñandejára
Ha ipyko'êmiva opyta opupu mborayhu ykua
Repukavymívo mitãkuña che mborayhu jára
Taropurahéi nde juru mboypýri nde ratypykua.
| 
